Categories
new

هۆکارەکانی سەرکەوتن و قازانج

هۆکارەکانی سەرکەوتن و قازانج

هەر خاوەنکارێک ئامانجی ئەوەیە کە سەرکەوتن بەدەستبهێنێت و قازانجی زیاتری دەست کەوێت. پلان و بەرنامەی هەرخاوەنکارێک ڕۆڵی هەیە لە بەدیهێنانی ئامانجەکانیاندا، بەڵام بۆ ئوەی بەرنامە و کاری پرۆژەکان بە جوانی و ڕێکوپێکی جێبەجێ بکرێن ئەوا خاوەنکار پێویستی بە کارمەندی دڵسۆز و لێهاتوو دەبێت. هەر چەندە کارمەند پێویستە بە جوانی ئەرکی خۆی جێبەجێ بکات، بەڵام خاوەنکار دەتوانێت رؤڵی هەبێت لەوەی کە کارمەندەکانی دڵسۆز و چالاکبن. خاوەنکار پێویستە ئەوە بزانێ لەسەدا پەنجاو بگرە لەوانەشە بڵێین زیاتری خۆی هۆکارە بۆ بەرەو پێش چونی کارەکەی و سەرکەوتنی کارمەندەکانی کەواتە چین ئەو شتانەی لەسەر خاوەنکارە. ئێمە دەتوانین بۆ بەرە و پێشچونی ئەم بابه ته لەناو کۆمپانیاو فرمانگەکان وەک چەند خاڵێک بیخەینە ڕوو کە دەبنە هۆی ئەوەی هەم کارەکان بەرەو پێش بڕۆن و بگرە دەکرێ بڵێین دەتوانرێ کۆمەڵێک داهێنانیش لەکارەکاندا بکرێ کە دەبنە  هۆی بەرەو پێشچونی وڵات و سەرکەوتنی کارەکان:

١-هاندان

٢-رێزلێنان

٣-فەراهەمکردنی کەشی گونجاو

٤-پێشەنگی 

هاندان :

یەکێکە لەو هۆکارانەی کە دەبێتە هۆی سەرکەوتن و دڵسۆزی لە کاردا. هاندان لەلایەن خاوەن کارە وە یەکێکە لەو شتانەی کە پێویستە هەموو خاوەنکارێک زۆر بەتایبەت بیری  لێ بکاتەوەو ئەنجامی بدات. 

هاندان چەند جۆرێکی هەیە، دەبێ خاوەنکار بزانێ لەکاتی کارکردندا کارمەندەکانی پێویستیان بە چ جۆرە هاندانێکە لەوانەیە زۆرێک تەنها بیربکاتەوە هاندان بەپارەیە، ڕاستە یەکێک لە هۆکارەکان پارەیە لە کاتێکدا دەزانی کارێک کراوە بۆ بۆ کارەکەت و کارمەندەکانت زۆر هیلاک بون لەگەڵی پێویستە یان بەزیادكردنی موچە یا وەک بەخشش بدرێت بە کارمەند. 

رێزلێنان :

یەکێکی تر لە هۆکارەکان رێزلێنان و دەستخۆشییه،   لەوانەیە زۆرێک وابیر بکەنەوە کاریگەریەکی وای نیە بەڵام بە پێچەوانەوە یەکێکە لە هۆکارە گرنگ وکاریگەرەکان. خاوەن کار ئەتوانێ لەهەرکاتێکدا کارمەندەکانی بانگ بکات دەستخۆشی و ڕێز و تەقدیرێکی پێشکەش بکات کە بەدڵنیای وەک فرێش بونەوەیک ئەبێت بۆ کارمەندەکە و وەک ئەوە وایە تازە دەستی بەکار کردبێت و بە گوڕ و تینێکی کەوە ئێتەوە بۆ ناو کار. 

دروستکردنی کەشێکی هاوڕێیانە کارمەندەکان کاتێکی زۆر بەسەردەبەن لە شوێنی کارەکانیان پێویستایان بەکەشێکی لەو جۆرە هەیە ئەگەر هاتوو ئێمە کەشێکی وامان دروست کرد ئه وان رۆژانە بە وزەیکی زیاترەوە ئێن بۆ سه ر کارەکانیان.

فەراهەمکردنی کەشی گونجاو:

کارمەندەکان پێکەوە کاتێکی زۆر بەسەردەبەن لە شوێنی کارەکانیان پێویستیان بە کەشێکی لەوجۆرە هەیە، ئەگەر هاتوو ئێمە کەشێکی وامان دروستکرد ئەوان رۆژانە بە وزەیەکی زیاترەوە دێنەوە سەر کارەکانیان. 

 پێشەنگی: 

دانانیان وه ك پێشەنگ لة كارةكان وە هەڵبژاردنەکان بخرێنە دةست خۆیان  هەڵبژاردن لەبەردەم کارمەندان بۆ نمونە هەندێ جار  بریارەکان بخرێنە دەست خۆیان و کۆمەڵێک بەرپرسیارەتیان پێ بسپێرن بەو جۆرە ئەتوان دڵسۆزانە تر کارەکانیان ئەنجام بدەن. 

ئێمەناتوانین تەنها لە چەند دێڕێکدا ئەم بابەتە کورت بکەینەوە زۆر شتی کەش هەیە کە خاوەن کارەکان ئەتوانن پێی هەڵسن هەموو خاوەن کارێک چاوەڕێی سەرکەوتن و قازانج ئەکات هیچ کارێک کە سەرەتا دەست پێئەکرێ ناتوانین بڵێین ئەمەقازانج ئەکات بەڵام ئەتوانین بڵێین ئەمەیەکێک لەهۆکارەکانە کە هەر لەسەرەتاوە ئەتوانی دڵنیابی لێی کە هۆکارێکه بو بەشێک لە سەرکەوتن و قازانجە کانت بە هیوای ئەوەی خاوەن کارکان زۆر بەجدی ئاوڕ لەم بابه ته  بدەنەوە لە کۆتایدا ئەبێتە سەرکەوتن و نمونەیکی جوانی کارەکەی ە