چەند ڕاهێنانێك بۆبەهێزكردنی مێشك و هەستەكانت
یادگە :
بۆ ماوەی 30چركە چاو بخشێنە بە دەورو بەرتدا و پاشان چاوەكانت دابخە و هەوڵبدە ئەوەی بینیوتە وێنەكەی بهێنیتەوە پێش چاوی خۆت ، دواتر چاوت بكەرەوە بزانە چ شتێكت لە بیر چووە یان چ شتێكت بە هەڵە هاتوەتەوە پێشچاو، چەندجار و لە چەند شوێنی جیاوازدا ئەم كارە دووبارە بكەرەوە .
پڕۆگرامی چالاککردنەوەی مێشک و یادگە – نهێنی ڕاستەقینە بۆ گەیشتن بەو پەڕی سەرکەوتن لە ژیاندا –
وێناكردن:
هەوڵبدە وێنای شتەكان لە گۆشە جیاوازەكانەوە بكەیت، بۆ نمونە مێزێك لە بەردەمتدایە چاوەكانت دابخەو بە خەیاڵ لە گۆشەیەكی ترەوە بۆ نمونە لەو بەرەوە ئەگەر لێی بڕوانیت چۆن دێتە پێش چاوت. یان ئەگەر لە سەقفی ماڵەوە تەماشای ناو ژورەكە بكەیت چۆن كەلوپەلەكان دەردەكەون.
بینین:
كتێبێك بگرە بە دەستەوە و هەوڵ بدە بە بینینی وشەیەك بتوانیت بە بێ جوڵاندنی چاو، وشەكانی تەنیشت و سەرو خواری ببینیت و بیان ناسیتەوە پەنجەت بخەرە سەر ناوەڕاستی دێڕی یەكەم وبەخێرایی بەنجەت بەرەو خوار بە دێڕەكاندا بخشێنە و هەوڵبدە دەوروبەری ئەو ووشەیەی كە دێتە پێشچاوت بیبینیت .
خوێندنەوە بەچاو یان بەدەنگ باشترە؟
هەنگاوەکانی زیادکردنی تێگەیشتن لەخوێندنەوە؟
هۆکارەکانی کەمی تێگەیشتن لەخوێندنەوە؟
هەموو ئەمانە و زیاتریش لە کۆرسی خێرا خوێندنەوە بەردەستە
بیستن:
گوێ لە تەلەفیزۆن بگرە، ڕێكۆردەر یان هەر ئامێرێكی تر داگیرسێنە و كەم كەم دەنگی كەم بكەرەوە و هەوڵبدە بیبیستیت ، تا وەهای لێدێت كە زۆر بە ناڕەحەتی گوێ بیستی دەبیت، جا ئەوكات هەوڵ بدە بە تەركیزەوە گوێی لێ بگرە ئەم ڕاهێنانە زۆر سودبەخشە بۆ بەهێزكردنی توانای بیستن و هەستەوەر بوون بە دەنگە نزم و جیاوازەكان هەروەها توانای تەركیزت زیاتر دەكات.
بیستنی دیجیتاڵی:
چاوەكانت دابخە و زووزوو كەسێك بێنە خەیاڵی خۆت كە پێت دەڵێـت : تۆ زیرەكیت و زیرەكتر دەبیت” هەوڵ بدە هەركەسێك كە دێتە خەیاڵت دەنگی وەك خۆی ببیستیت، ئەم ڕاهێنانە بە دەنگەجیاوازەكانی ناو مێشكی خۆت ئاشنات دەكاتەوە كە بە یادت سپاردوون.