kk – Page 11 – Awat Academy

جۆرەكانی پەیوەندی

Post author By renas H
Post date December 14, 2022

جۆرەكانی پەیوەندی TYPES OF COMMUNICATION

بەرلەوەی باس لە جۆرەكانی پەیوەندی بكەم لە كارگێڕیدا پێویستە ئاماژە بەوە بدەین كە بە شێوەیەكی گشتی چوار جۆر پەیوەندی هەیە كە لە پێگەی ئینتەرنێتی www.workplace-communication.com ئاماژەیان پێكراوە كە بریتین لەمانەی خوارەوە:

یەكەم: پەیوەندی وێنەیی VISUAL COMMUNICATION

بریتین لەو پەیوەندیانەی كە هۆكارەكانی بینینیان تێدا بەكاردەهێنرێت بە مەبەستی گەیاندنی زانیاری لە شوێنی كاردا وەك هێما و دۆكیومێنت و پرێزنتەیشن.

دووەم: پەیوەندی نوسراو WRITTEN COMMUNICATION

هەموو ئەو پەیوەندیانە دەگرێتە خۆ كە دەق (تێكست) ڕیپۆرت و هەڵسەنگاندنەكان و هەموو جۆرە دۆكیومێنتێكی ئەلیكترۆنی یان نا ئەیلیكترۆنی دەگرێتەوە لە رێكرخراودا كە پەیوەندی هەیە بە كارەوە چ بە فەرمی بێت یان نافەرمی. هەموو پەیوەندیەكان دەگرێتەوە كە تێكستیان تێدایە وەك ناردنی تێبینی و مێسج و ئیمەیل.

سێهەم: پەیوەندی زارەكی VERBAL COMMUNICATION

هەموو ئەو پەیوەندیانە دەگرێتە خۆ كە بە شێوەی قسەكردن و گفتوگۆ ئەنجام دەدرێن.

چوارەم: پەیوەندی نازارەكی NON-VERBAL COMMUNICATION

بریتیە لە هەر پەیوەندیەك یان هاوبەشی پێكردنێك بە دەر لە گفتوگۆ و قسەكردن و هەر بابەتێكی نوسراو. وەك بەكارهێنانی زمانی جەستە و ئاوازی قسەكردن و رەفتار و هێماكردن و دەربڕین بە جەستە و ڕوخسار و دەستلێدان لەوانەش تەوقەكردن تەنانەت جۆری كەلو پەل و دیكۆر و دیزاینی جلوبەرگیش دەگرێتەوە

Uncategorized

ڕۆڵی گرنگی پەیوەندی لە بەڕێوەبردندا

Post author By renas H
Post date December 14, 2022

ڕۆڵی گرنگی پەیوەندی لە بەڕێوەبردندا

THE CRUCIAL ROLE OF COMMUNICATION IN MANAGEMENT
پەیوەندی پرۆسەیەكی زۆر ئاڵۆزە، یەكێكە لە هەرە چالاكیە بەربڵاوەكانی بەڕێوەبەر. بە گوێرەی توێژینەوەكان هەر بەڕێوەبەرێك كاتێكی زۆری بە پەیوەندی كردن دەڕوات نەك بە ئەركەكانی وەك بەڕێوەبەرێك. لە ئێستادا پەیوەندی رۆڵی كاریگەری هەیە بۆ دەرخستنی سەركەوتنی بەڕێوەبەر لە كارەكەیدا لە چاو ڕابردوودا.
بە گوێرەی هیڵ و مەك شاین (2008) زۆر پێویستە بەڕێوەبەر هێزو دەسەڵات وەربگرێت بۆ بەكارهێنانی سەرچاوەكان، بە مەبەستی بە دیهێنانی ئامانجی رێكخراو، بەڵام هەموو هێز و دەسەڵاتێك لە لە دەسەڵاتی فەرمیەوە وەرناگیرێت. بۆ ئەوەی بتوانی وابكەیت هێزی كار ئەركەكانیان بە ئەنجام بگەیەنن لە سەروو ئەو دەسەڵاتەی پێت دراوە پێویستت بە هێز و دەسەڵاتێك هەیە كە سەرچاوەكەی خەسڵەتەكانی كەسایەتی خۆت بێت بۆ نمونە چۆن لە ڕێی پەیوەندیەكی كاریگەرەوە كاریگەری دەكەیتە سەر كەسانی تر. Hill, C. & McShane, S. (2008). (p.19)

.

پەیوەندی ڕووبەڕوو بە یەكێك لە هەرەگرنگترین رێگاكانی پەیوەندی دادەنرێت بە تایبەت لە بەڕێوەبردنی سەرچاوە مرۆییەكان و هەموو حاڵەتێكی سەركردایەتیكردی A Model of the Communication Process.

پرۆسەی پەیوەندی لەمانە پێكدێت:
نێرەر Sender: ئەو كەسەیە كە زانیاری دەنرێرێت.
كۆدبەندی Encoding گۆڕینی پەیامە بۆ هێماو سمبۆڵێك كە قابیلی تێگەیشتن بێت
پەیام Message : ئەو زانیاریەیە كە دەنێردرێت.
نێوەند Medium: ئەو كەناڵەیە كە پەیامی پێدا تێپەڕ دەبێت.
كۆدكردنەوە Decoding: وەرگێڕانی پەیامە بۆئەوەی قابیلی لێتێگەیشتن بێت
وەرگر Receiver: كەسێكە كە پەیامەكەی پێ دەگات.
ژاوەژاو The noise : هەرشتێكە كە كاربكاتە سەر گواستنەوەی پەیامەكە و خۆی تێهەڵقورتێنێت.
فیدباك Feedback: كاردانەوەی وەرگرە بەرامبەر بە پەیامەكە
پرۆسەی پەیوەندی بەم شێوەیەیە:
Sender [Encoding] → Message → [Decoding] Receiver.
نێرەر { كۆدبەندی} پەیام {كۆدكردنەوە} وەرگر
كەناڵەكانی پەیوەندی كارگێڕی
بە گوێرەی ئۆ روركە 2013 O’Rourke, J. S. (2013). سەرەكیترین كەناڵی پەیوەندی كارگێڕی بریتیە لە قسەكردن و گوێگرتن كە بە گوێرەی توێژینەوەیەكی زانكۆی مێریلاند لە سەدا 78ی كاتی پەیوەندی بە قسەكردن و گوێگرتن دەروات. O’Rourke,J.S.(2013). p. 8)
باشترین كەناڵی پەیوەندی THE BEST COMMUNICATION CHANNEL
دیاری كردنی باشترین كەناڵی پەیوەندی یەكێكە لە كێشمەكێشە زۆر گەورەكانی بەڕێوەبەر، چونكە پشت دەبەستێت بە بارودۆخەكەوە، لەبەرئەوە بەڕێوەبەر دەبێت شیكار بكات و بڕیار بدات، كە كام كەناڵ باشترینە بۆ ئەو حاڵەتە بە گوێرەی لایەنی ئەرێنی و نەرێنی هەر كەناڵێك.
بە گوێرەی هیڵ و مەكشاین Hill, C. & McShane, S. (2008). (p 432) پەیوەندی ڕووبەڕوو كاریگەرترینە و پەیوەندی نوسراویش كەمترین كاریگەری هەیە. لەم پەیوەندیەدا راستەوخۆ بەڕێوەبەر دەتوانێت فیدباك وەرگرێت.

Uncategorized

پەیوەندی چیە؟

Post author By renas H
Post date December 14, 2022

پەیوەندی چیە؟

پەیوەندی پرۆسەیەكە بۆ گەیاندنی واتایەك كە هاوبەشی پێبكرێت لە نێوان تاكەكاندا بە شێوەیەك كە بتوانن لە یەكتر بگەن. http://www.workplace-communication.com
بە گوێرەی فەرهەنگی مێریام وێبستەر پەیوەندی بریتیەلە پرۆسەی ئاڵوگۆڕی زانیاری لە نیوان تاكەكاندا بە هۆی سیستمێكی باوی هێما، نیشانە یان رەفتار. واتە ئاڵوگۆر و گەیاندنی زانیاریە لە نێوان كەسەكاندا.

لە نێو تێكستە كارگێڕیەكاندا،پەیوەندی بەم شێوەیە پێناسە دەكرێت:
كینیكی و ویلەم (2018) : پێناسەی پەیوەندی دەكەن بەوەی كە ناردنی پەیام و تێگەیشتنیەتی لە كەسێكەوە بۆ كەسێكی تر. ئەم پرۆسەیەش ئەمانە دەگرێتە خۆ : نێرەر، پەیام و وەرگر ، كۆدبەندی و كۆدشكاندن، نێوەند، فیدباك و ژاوەژاو یان هەڵقورتاندن. بەڕێوەبەران پێویستە لە كاتی پەیوەندیكردن دا، نێوەندی گونجاو هەڵبژێرن، بۆ هەر باروزروفێكی تایبەت. Kinicki,A.& Williams,B,K.(2018) (P.504)
پەیوەندی كێشمەكێشێكی (چاڵنجێكی) گەورەیە بۆ بەڕێوەبەر، بە تایبەت لە دونیای ئەمڕۆدا چونكە لێهاتوویەكانی پەیوەندی سازكردن، ڕۆڵی سەرەكی دەگێڕن لە بەڕێوەبردندا و ئەمەش بە لێهاتوویە نەرمەكان (Soft Skill) دادەنرێت. بە گوێرەی ئۆ روركە O’Rourke, J. S.(2013). (p. 10) زۆر دژوارە بەرێوەبەر بتوانێت ئاگاداری توانا و بەجێگەیاندنەكانی خۆی بێت لەم بارەوە. هیچ بەڕێوەبەرێك ئامادە نیە دانبنێت بە كەمتوانایی خۆی لە بواری پەیوەندیدا ئەمەش كێشمەكێشێكی گەورەیە تا دانی پێدا بنێن و گەشەبە توانای پەیوەندی خۆیان بدەن.
پەیوەندی لە بەڕێوەبردندا

پەیوەندی لە بەڕێوەبردندا دابەش دەبێت بۆ :پەیوەندی نێوان كەسان و پەیوەندی ڕێكخراوەیی
لە هەردووكیاندا بەڕێوەبەر پێویستی بەوە هەیە كە هاوبەشی بە زانیاریەكانی بكات. ڕۆڵی سەرەكی پەیوەندی بریتیە لە هاوبەشی كردن بە زانیاری، هەر لەبەر ئەوەیە كە بەڕێوەبردن پێویستی بە جێبەجێكردنی پەیوەندی هەیە. هەموو بەڕێوەبەران پێویستیان بە دروستكردنی پەیوەندی هەیە لە گەڵ ئەوانی تر لە ڕێكخراوەكەدا، هەروەك بەڕێوەبەرەكانی تر و كارمەندەكان یان هەندێ جار لەگەل كەسانی تر لە دەرەوەی ڕێكخراو بە مەبەستی بە گەر خستنی سەرچاوەكان بۆ مەبەستی بەدیهێنانی ئامانجی ڕێكخراوەكە. https://www.managementstudyguide.com

ڕۆڵی گرنگی پەیوەندی لە بەڕێوەبردندا

ڕۆڵی گرنگی پەیوەندی لە بەڕێوەبردندا

THE CRUCIAL ROLE OF COMMUNICATION IN MANAGEMENT

پەیوەندی پرۆسەیەكی زۆر ئاڵۆزە، یەكێكە لە هەرە چالاكیە بەربڵاوەكانی بەڕێوەبەر. بە گوێرەی توێژینەوەكان هەر بەڕێوەبەرێك كاتێكی زۆری بە پەیوەندی كردن دەڕوات نەك بە ئەركەكانی وەك بەڕێوەبەرێك. لە ئێستادا پەیوەندی رۆڵی كاریگەری هەیە بۆ دەرخستنی سەركەوتنی بەڕێوەبەر لە كارەكەیدا لە چاو ڕابردوودا.
بە گوێرەی هیڵ و مەك شاین (2008) زۆر پێویستە بەڕێوەبەر هێزو دەسەڵات وەربگرێت بۆ بەكارهێنانی سەرچاوەكان، بە مەبەستی بە دیهێنانی ئامانجی رێكخراو، بەڵام هەموو هێز و دەسەڵاتێك لە لە دەسەڵاتی فەرمیەوە وەرناگیرێت. بۆ ئەوەی بتوانی وابكەیت هێزی كار ئەركەكانیان بە ئەنجام بگەیەنن لە سەروو ئەو دەسەڵاتەی پێت دراوە پێویستت بە هێز و دەسەڵاتێك هەیە كە سەرچاوەكەی خەسڵەتەكانی كەسایەتی خۆت بێت بۆ نمونە چۆن لە ڕێی پەیوەندیەكی كاریگەرەوە كاریگەری دەكەیتە سەر كەسانی تر. Hill, C. & McShane, S. (2008). (p.19) پەیوەندی ڕووبەڕوو بە یەكێك لە هەرەگرنگترین رێگاكانی پەیوەندی دادەنرێت بە تایبەت لە بەڕێوەبردنی سەرچاوە مرۆییەكان و هەموو حاڵەتێكی سەركردایەتیكردی A Model of the Communication Process.

جۆرەكانی پەیوەندی

جۆرەكانی پەیوەندی TYPES OF COMMUNICATION

یەكەم: پەیوەندی وێنەیی VISUAL COMMUNICATION

دووەم: پەیوەندی نوسراو WRITTEN COMMUNICATION

سێهەم: پەیوەندی زارەكی VERBAL COMMUNICATION

هەموو ئەو پەیوەندیانە دەگرێتە خۆ كە بە شێوەی قسەكردن و گفتوگۆ ئەنجام دەدرێن.

چوارەم: پەیوەندی نازارەكی NON-VERBAL COMMUNICATION

پۆلێنی جۆرەکانی پەیوەندی

پۆلێنی جۆرەکانی پەیوەندی

پەیوەندی كارگێڕی

MANAGERIAL COMMUNICATION
پەیوەندی كارگێڕی كە دەبێتە پەیوەندی نێوان كەسەكان و پەیوەندی رێكخراوەیی هاوكات هەردووكیان دەبنە دوو بەشەوە كە بریتین لە پەیوەندی فەرمی و نافەرمی، هەروها پەیوەندی بەرەوسەر و بەرەو خوار و پەیوەندی ئاسۆیی.

پەیوەندی نێوان كەسان

INTERPERSONAL COMMUNICATION
پەیوەندی نێوان كەسان بریتیە لە پەیوەندی نێوان دووكەس یان كۆمەڵەكەسێك لە كاردا. ئەم پەیوەندیە زۆر زۆر پێویستە بۆ هاندانی كارمەندان تاوەكو بە تامەزرۆییەوە كارەكانیان جێبەجێ بكەن بە هەستی بەرپرسیاریەتیەوە، هەروەها بەڕێوەبەران دەتوانن لە ڕێی ئەم جۆرە پەیوەندیەوە فییدباك وەرگرن لە كۆمێنت و پێشنیار و ئەوەی لای كارمەندان بەهای هەیە. Sun, H. Liu, J. Chen, H.(2018)(p.2 )

پەیوەندی ڕێكخراوەیی

ORGANIZATIONAL COMMUNICATION
پەیوەندی رێكخراوەیی بریتیە لە هەر پەیوەندیەك كە لە هەر ئاستێكی رێكخراودا ئەنجام بدرێت، كە پەیوەست بێت بە ڕێكخراوەكەوە. پەیوەندی رێكخراوەییش دابەش دەبێت بۆ دوو جۆر:

پەیوەندی فەرمی

FORMAL COMMUNICATION
بریتیەلە پەیوەندیەك كە كارمەندەكان زانیاری فەرمیان پێدەگات لە هەرپلەیەكەوە بێت. پەیوەندی فەرمیش دابەش دەبێت بۆ سێ جۆر كە بریتین لەمانەی خوارەوە:

پەیوەندی بەرەوژوور

Upward Communication :
بریتیە لە پەیوەندیەك كە لە كارمەندێكەوە ئەنجام دەدرێت لەگەڵ بەرپرس یان بەڕێوەبەرەكەی وەك ریپۆرت و پێشنیار و ئاگارداكردنەوە و گەیاندنی كێشەو سكاڵا.

پەیوەندی بەرەوخوار

Downward Communication
ناردنی زانیاریە لە بەرێوەبەرەكانەوە بۆ كارمەند كارپێسپێرراوان لە ژێر بڕیاری كارگێڕیدا وەك زانیار یو بیركردنەوەی ستراتییژی و پلانی رێكرخاو و بەها و ئۆپەراسیۆن و ..هتد

پەیوەندی ئاسۆیی

Horizontal Communication
پەیوەندی ئاسۆیی بریتیەلە پەیوەندی كردن بە هەندێ زانیاریەوە لە نێوان كارمەنداندا لە ئاستێكی دیاریكراوی دەسەڵاتدا لە ڕێكخراودا بۆ چارەسەری گرفتی نێو رێكخراوەكە.

پەیوەندی نافەرمی

INFORMAL COMMUNICATION
بریتیە لە هەر پەیوەندیەكی نافەرمی لە نێو كارمەندانی رێكخراودا كە گرنگی دەدات بەوەی كە چی ڕوودەدات لە دەوروبەریاندا لە ڕێكخراوەكەدا.ئەم پەیوەندیە لە رێی كەناڵە نافەرمیەكانەوە بە جێ دەگەیەنرێت لە پێكهاتەی (سترەكچەر) رێكخراودا. پەیوەندی نافەرمی هەموو پەیوەندیە كەسیەكانی نێو كارمەندەكان دەگرێتەوە وەك قسەهێنان و بردن لەنێوانیاندا.
بەڕێوەبەری زیرەك دەتوانێت سوود لەم پەیوەندیانە وەربگرێت بۆ ئاگاداربوون لە بارودۆخی نێو ڕێكخراوەكە و ئاڵوگۆڕی بیرۆكە و وەرگرتنی زانیاری زۆر گرنگ.
لەم جۆرە پەیوەندیەدا هەندێ جار پەیوەندی گرەیپ ڤاین بەكاردێت كە مەبەست پێی پەیوەندی نێوان تاكەكانە كە زۆر جار لە شێوەی بڵاوبوونەوەی دەنگۆ و غەیبەتكردن دا دەنوێنرێت بە گوێرەی دیپا و سێت (2016) لە سەدا 65 بۆ لە سەدا 70ی كاتی كارمەند بەم جۆرە پەیوەندیەیان دەچێتەسەر.

بەربەستەكانی بەردەم پەیوەندی

بەربەستەكانی بەردەم پەیوەندی

COMMUNICATION BARRIERS
هەمیشە لە پەیوەندیدا ژاوەژاو خۆی هەڵدەقورتێنێت و دەبێتەهۆی لێك نەگەیشتن. هەروەها ژاوەژاو كاریگەری لەسەر پەیامەكە دادەنێت و لەكاتی گواستنەوەی دا گۆڕانی بەسەردا دەهێنێت. چڕی ژاوەژاو لەسەر چۆنایەتی و چەندایەتی بەربەستەكان وەستاوە. تا بەربەست زیاتر بێت لێكتێنەگەیشتن زیاتر دەبێت.
بەگوێرەی سەن و لیو چێن Sun, H. Liu, J. Chen, H.(2018)(p. 3 ) جیاوازی كەسێتی زۆر گرنگە وەك ئەزمونی كەسی و جیاوازی پێكهاتەی مەعریفی.

كۆسپەكانی پەیوەندی ئەمانەن:

دەركپێكردن

توانای تێبینی، وەرگێڕان، رێكخستنی زانیاری و رێژەی پشتگوێخستنی زانیاری بە گوێرەی بەهاكانمان، باوەڕەكانمان و چاوەڕوانی كردنمان لە بەرامبەر كە بەمانەش دەوترێت دەركپێكردنی هەڵبژێرراو Selective Perception

فیلتەركردن

FILTERING
یەكێك لە جۆرەكانی كۆسپە كە رێگر دەبێت لە تێپەڕبوونی بەشێك لە زانیاریەكە، چ بە تایبەت بێت یان بە بێ ویست.
كۆمەڵێك هۆكار هەن كە وادەكات كارمەند یان بەڕێوەبەر فیلتەری زانیارییەك دەكەن لەوانەش بۆ دروستكردنی پەیوەندیەكی كاریگەر یان حەزو ڕق و دەربرینی شێوازی خۆیان.

بەربەستەكانی زمان

LANGUAGE BARRIERS
زمان بەربەستە چونكە نێرەر لە كۆدبەندی و وەرگر لە كۆدكردنەوەدا پێویستیان بە تێگەیشتنی هاوبەش هەیە. ئەوەش ڕوونە كە هەمیشە زمان ڕوون نیە و هەمان مانا و مەبەست ناگەیەنێت لای كەسە جیاوازەكان، هەروەها زمان خۆی ناڕوونی تێدایە و زۆر جار خوازە و شێوازەكانی تری ڕەوانبێژی ، ڕاڤە و روونكردنەوەكانیش دەكەنە بیرۆكەی ئاڵۆز.

بەربەستی كەڵەكەبوونی زانیاری

INFORMATION OVERLOAD
زۆری و كەڵەكەیی زانیاری ژاوەژاو زیاد دەكات و سەر لە كاری مێشك دەشێوێنێت.

بەربەستی جیاوازی ڕەگەزی

GENDER DIFFERENCES
سەرەڕای لێكچوونی زۆر بەڵام هەر جیاوازی زۆر هەیە لە نێوان ڕەگەزی نێر و مێ دا. ئەو جیاوازیانە دەبنە هۆی بە هەڵە لەیەك گەیشتن بە تایبەت جیاوازی ڕەگەزی لە نێوان بەڕێوەبەر و بەردەستەكانیدا.

بەربەستی جیاوازی كلتوری

CULTURAL DIFFERENCES
بەهۆی جیهانگیریەوە ڕێژەی جیاوازی كلتوری لە نێو ڕێكخراوەكاندا بەردەوام لە هەڵكشاندایە، تەكنۆلۆژیای نوێش بەتەواوەتی كارئاسانی كردوە . ئەمەش وەهای كردوە خەڵكی بەتوانا و لێهاتوویی پێویستەوە لە هەموو جیهانەوە هەلی كاركردنیان بۆ دروست ببێت لە كۆمپانیای جۆراوجۆردا. جیاوازی كلتوری لەگەڵ ئەوەی هەلە هاوكات كێشمەكێشێكی گەورەیە لە بواری بەڕێوەبردندا، چونكە گرفتی پەیوەندی قوڵتر و ئاڵۆزتر دەكات.

باشكردن و پەرەپێدانی پەیوەندی

IMPROVING COMMUNICATION
باشكردن و پەرەپێدانی پەیوەندی لەسەر كەمكردنەوەی ژاوەژاو بەندە، بۆ ئەم مەبەستەش وەرگر دەبێت هەوڵی تەواو بدات بۆ كەمكردنەوەی فیلتەرەكان و كەڵەكەبوونی زانیاری، باشتركردنی توانا و لێهاتوویی گوێگرتن، پێدانی زانیاری و رونكردنەوە لە سەر بنەڕەتی زمان و كلتور لە لایەن نێرەرەوە بۆ وەرگر تاوەكو باشتر بتوانێت سەركەوتوو بێت لە كردنەوەی كۆدی پەیامەكە.

گوێگرتنی چالاك

ACTIVE LISTENING
پەیوەندی كاریگەر پشت دەبەستێت بە، گەیشتن و تێگەیشتنی پەیام، لە لایەن وەرگرەوە. هەر بۆیە نێرەر پێویستە، فێرببێت كە چۆن هاوسۆزبێت لەگەل وەرگردا بۆ نمونە هەوڵ بدات پەیامەكەی بە جۆری باشتر بنێرێتەوە و باشتر قسەی لەسەر بكات و زیاتر ڕوونی بكاتەوە ئینجا هەڵسەنگاندنیشی بۆ بكات.وەرگر پێویستە هەوڵبدات گوێگرێكی باش بێت كە بەداخەوە زۆر جار وانیە و ناتوانێت گوێگرێكی چالاك بێت كێشەی گەورە قسەپێبڕین و بیربڵاویە.
بە گوێرەی ستیڤن و كامپیۆن Stevens, M, J. & Campion, M, A. (1994).(p.513). گوێگرتن زۆر گرنگە بۆ كەمكردنەوەی بەربەستەكانی پەیوەندی وەك تێكچوونی تێگەیشتن لە پەیامەكە بە تایبەت لە كاری گروپ و تیمدا.

پەیوەندی ڕاستەوخۆ لەگەڵ كارمەندان

DIRECT COMMUNICATION WITH EMPLOYEES
پەیوەندی ڕاستەوخۆ لەگەل كارمەندان كەناڵێكی نا تەقلیدیە، لەم رێگایەدا بەڕێوەبەر لە ئۆفیسەكەی دەچێتە دەرەوە تاوەكو لە نزیكەوە پەیوەندی ساز بكات لەگەل بەردەستەكانیدا. ستراتیژییەكی زۆر كاریگەر هەیە كە پێی دەوترێت بەڕێوەبردن گەڕۆك “management by walking around” لەم شێوازەدا بەرێوەبەر كۆمەڵێك زانیاری گرنگ بەدەست دەهێنێت سەرەڕای زانیاریە فەرمیەكان. Hill,C.,&McShane,S.(2008). (p 445)
بە داخەوە لە كۆمەڵگا تەقلیدیەكاندا بەڕێوەبەر خۆی زۆر بە شایەن دەزانێت كە لە سەر كورسیەكەی دابنیشێت لە بەردەم مێزێكی گەورەدا ئەمە نیشانەیەكی باش نیە بەڵكو بۆ كەسێكی چالاك نیشانەی تەممەڵی و لاوازی هەستی بەرپرسیاریەتیە لای ئەو بەڕێوەبەرە نەك گەورەیی و پێگەكەی.

دیزاینی شوێنی كار

WORKSPACE DESIGN
ژینگەی فیزیكی كار لە شوێنی كاردا زۆر كاریگەری هەیە بۆ سەر پەیوەندی. ڕێكخستنی شوێنی كاری كارمەندان دەشێت هاوكاربێت بۆ پەیوەندی و ئاگالێبوون یان هەندێجار ببێتە هۆی دابڕان و گرانكردنی پەیوەندی بە هەموو جۆرەكانیەوە.

كارزانی و لێهاتوویەكانی پەیوەندی

COMMUNICATION SKILLS
لێهاتوویی و توانای پەیوەندی لە ئاستی بەرزدا زۆر پێویستە بۆ بەڕێوەبەر، وادەكات كارمەند زیاتر هەست بە ڕەزامەندی بكات و كەمتر سكاڵا بكات. هەربۆیە زۆر زۆر پێویستە گرنگی بە تونایی و لێهاتوویەكانی پەیوەندی بدرێت
هەندێ لە كارزانی و لێهاتوویەكانی پەیوەندی زۆر بنچینەیین وەك لێهاتوویی كەسی و كۆمەڵایەتی، لێهاتووی گوێگرتن، لێهاتوویی شیكار و سەرنجی تواناكان، لێهاتوویی زمانی جەستە و پرسیاركردن و داواكردنی ڕوونكردنەوەی زیاتر.
بەڕێوەبەران پێویستە بزانن پەیوەندی توانایەك نیە بە ئاسانی لە خۆیانەوە وابزانن سەركەوتوون تیایدا و پێویستە بزانن كە بە گوێرەی توێژینەوەكان زۆرینەی بەڕێوەبەران نازانن كە لە پەیوەندیاندا خراپن و پێویستە پەرەبە توانای خۆیان بدەن. بۆ ئەم مەبەستە پێویستە لە بارەی پەرەپێدانی تواناكانی پەیوەندی بخوێننەوە و بەشداری كۆرسی تایبەت بكەن. هەوڵبدن لەگەڵ هەر ڕووداوێكدا سەرنج بدەن لە پەیوەندی خۆیان. كەمتر خەتا بخەنە ملی كارمەند و بەردەستەكانیان و هەوڵ بدەن لە خۆیانەوەوە مانا و مەبەست بۆ قسە و رەفتاری كارمەندەكان لێك نەدەنەوە.هەوڵبدەن شارەزایی پەیدا بكەن لە بواری جۆرەكانی كەسێتی هەوڵبدەن خاڵی هێز و لاوازی خۆیان و كارمەندەكانیان بدۆزنەوە و سوودی لێوەربگرن بۆ ئەوەی ئەو دەزگایەی كاری تێدا دەكەن بگاتە ئامانجەكانی.
پێشنیارم ئەوەیە كە بەرێوەبەران هەوڵ بدەن لە بواری پرۆگرامی زمانی دەماری NLP خۆیان شارەزابكەن بۆ ئەوەی بتوانن سوود لە تەكنیكەكانی وەربگرن بۆ ئەوی لە پەیوەندیاندا كاریگەر و سەركەوتووبن. ببورن كە لەم كورتە بابەتەدا بوار نەبوو لەم بارەوە بنوسین

business

پەیوەندی لە بەڕێوەبردندا COMMUNICATION IN MANAGEMENT

Post author By renas H
Post date December 13, 2022

پەیوەندی لە بەڕێوەبردندا

COMMUNICATION IN MANAGEMENT

نوسینی: ئاوات نصرالله

ماستەر لە كارگێڕی نێودەوڵەتی

بەكالۆریۆس لە كارگێڕی

پەیوەندی لە ژیانی مرۆڤدا لە هەموو شوێنێك گرنگە و جێی بایەخە. بوونی پەیوەندییەكی باش، مرۆڤ پاڵپێوەدەنێت بۆ ژیانێكی باشتر و كاریگەری تەواوی دەبێت لە هەموو كار و چالاكیەكانیدا. هەربەوهۆیەوە دەبێت سایكۆلۆژیای پەیوەندی ، لە بەرچاو بگیرێت. بەتایبەت لەبەرئەوەی كە پەیوەندی نێوان كەسەكان پەیوەندیەكی كاریگەرە و مرۆڤەكانیش لە رێی كەسایەتی، رەفتار، خوو، لێهاتوویی و ئەزمونەوە، بە قایلكردن یان چەواشەكردن ،كاردەكەنە سەر یەكتر.
سازكردنی پەیوەندی و ئەنجامی پەیوەندیەكانمان، رەنگدانەوەی بیرو ئەندێشەو خواست و نیەت و جۆری كەسایەتیمانن. لە پەیوەندیدا ئاستی مەعریفی و توانا و لێهاتوویەكانمان ڕۆڵی تەواو دەگێڕن. شێوازی پەیوەندیمان ئەنجامی كارەكانمان ئاراستە دەكەن.
كەسی واهەیە لەسەر بنەمای بردنەوە – دۆڕاندن win-lose كار دەكات و تەنها مەبەستی ئەوەیە چی دەوێت بۆ خۆی بیپچڕێنێت، ئەگەر چی بە زیانی كەسی تر بێت. كەسمان حەزناكەین لەگەڵ ئەم جۆرە كەسانەدا ڕەفتار بكەین و ئەگەر ناچاریش ببین بەردەوامی نابێت.
كەسی واهەیە لەسەر بنەمای دۆڕاندن-بردنەوە lose-win كاردەكات و دواتر هەمیشە سكاڵای لەدەستمان دەبێت و زۆرجار ناتوانین قایلی بكەین كە خراپ بوونی ئەنجامەكە، خراپی ئێمە نیە، بەڵكو لاوازی خۆیەتی لە پەیوەندیدا.
كەسی وامان هەیە لە دوو جۆرەكەی سەرەوە خراپترە، بە جۆرێك پەیوەندی هەیە كە بە زیانی خۆی و بە زیانی كەسی بەرامبەریشیەتی واتە دۆڕاندن – دۆڕاندن lose-lose ئەم كەسانە بۆ خۆیان و بۆ هەر كەسێك كە پەیوەندی لەگەڵ ساز دەكەن دەبنە مایەی زەرەر و زیان. بەڵام هاوكات بواری پەیوەندی هەم هونەرە و هەم زانستە ئێمە دەتوانین فێرببین و ڕاهێنان بكەین و ئەزموون وەربگرین و لەم بوارەدا بە شێوەیەكی كاریگەر ڕۆڵ ببینین كە ئەمە پێی دەوترێت پەیوەندی بردنەوە-بردنەوە win-win communication. ئەمە ئەو جۆری پەیوەندیەیە كە بەڕێوەبەران لە هەر كەسێكی تر زیاتر پێویستیان پێەتی لە نێو ڕێكخراو و دام ودەزگا جۆراو جۆرەكاندا.

بۆ چارەسەری شەرم و ترس وە بۆ ئەوەی هەمیشە خۆت بەخەتابار پیشن نەدەیت و نەلێیت داوای لێبوردن دەکەم وە نەمانی ترس و قەلەقی و زۆر شتی دی دەتوانی بەژداربیت لە کۆرسی پەیوەندی کاریگەر بۆ زانیاری زیاتر سەردانی ئەم لینکانەی خوارەوە بکە

توێژەران سەن، لیو و چن (1918) دەڵێن : ئەمڕۆ پەیوەندی ڕۆڵێكی زۆر گاریگەری هەیە بە تایبەت لە چالاكیە جۆراوجۆرە ئابوریەكاندا. پەیوەند هەم زانستە و هەم هونەر. Sun, H. Liu, J. Chen, H.(2018)(p. 4 )لەبەر ئەوە ئێستا زیاتر جێگای بایەخە لە چاو ڕابردوودا.
www.managementstudyguide.com
لەم بابەتەدا هەوڵ دەدەین بە كورتی ئاماژە بە جۆرەسەرەكیەكانی پەیوەندی بكەین كە لە تێكستەكانی بەڕێوەبردندا باسكراون

ی دەكەیتە سەر كەسانی تر. Hill, C. & McShane, S. (2008). (p.19)

پەیوەندی چیە؟

ڕۆڵی گرنگی پەیوەندی لە بەڕێوەبردندا

جۆرەكانی پەیوەندی

پۆلێنی جۆرەکانی پەیوەندی

بەربەستەكانی بەردەم پەیوەندی

سەرچاوەكان:
http://www.workplace-communication.com/four-types-communication.html 13.07.2019
https://www.managementstudyguide.com/managerial-communication.htm 13.07.2019
Kinicki, A. & Williams, B, K.(2018). Management, A practical introduction. New York. McGrow-Hill
Kinicki, A. & Williams, B, K.(2018). Management, A practical introduction. New York. McGrow-Hill
O’Rourke,J.S.(2013). Communication management :A case-analysis approach. New Jersey. Printice Hall.
Popescu, M. (2012). Psychology of Communication–Between Myth and Reality. International Journal of Academic Research in Accounting, Finance and Management Sciences, 2(Special 1), 321-325.
Stevens, M, J. & Campion, M, A. (1994). The Knowledge, Skill, and Ability Requirements for Teamwork: implications for Human Resource Management. Journal of Management 1994, Vol. 20, No. 2, 503-530
Sun, H. Liu, J. Chen, H.(2018) Communication in Human Resource Management. School of Business Administration, Zhangjiakou University of Finance and Economics, Hebei, China. retrieved from: https://systems.enpress-publisher.com/index.php/HRMS/article/view/316.

memory

شەش بنەماكەی زانستی پرۆگرامكردنی زمانی دەماری

Post author By renas H
Post date December 5, 2022

شەش بنەماكەی زانستی پرۆگرامكردنی زمانی دەماری

ئاوات نصراللە

زانستی پرۆگرامكردنی زمانی-دەماری، شەش بنەمای سەرەكی و بنچینەیی هەیە، كە بە پایەكانی (ئێن ئێڵ پی) ناسراوە (Six Pillars of NLP) ئەمانەش بریتین لە :

تۆ- (حاڵەتی سۆزە هەڵچوون و ئاستی لێهاتنت)

تۆ خۆت چەقی دروستكردنی كاریگەریەكانی، تۆ ئەو كەسەیت كە دەتوانی NLP بكەیتە زانستێكی كرداری و كاریگەر، كە سەرتاپای ژیانت بگۆڕێت و بیكاتە نمونە، یان بە پێچەوانەوە ئەو ببیتە ئەو كەسەی كە ببیتە مایەی ناشرینكردنی خودی زانستەكەش و بێ كەڵككردنی، هەروەها NLP ئامێرێكە كە دەتوانی بە چاك یان خراپ سوودی لێوەربگریت و لە هەمانكاتدا بە كردەوەكانت بیكەیتە بەشێك لە ڕاستیەكانی ژیان. تۆ خۆت دەبیتە چەقی كاریگەریەكان و خۆت بەرپرسیاری یەكەمی بەرامبەر بە خۆت و ژیانت و هەرخۆت دەتوانی دڵت ئاوەڵابكەیت، بۆ وەرگرتنی ئەو زانیاریانە و پەسەندكردنیان وەك ڕاستیەك ئەگەر چی بە شێوەیەكی كاتیش بێت.

2-پێش داوەریەكان- بنەماكانی ئێن ئێڵ پی

لە زانستی NLPدا چەندە گرنگە ئەو شتەی كە دەوترێت بنەمای زانستی هەبێت، هێندەش گرنگی بەوە دەدرێت كە گەر ئەو وتراوە پێش لەوەی بیر لە بەڵگە و سەلماندن بكەینەوە، بە ڕاست زانینی چ كاریگەریەكمان لەسەر دروست دەكات، بۆ نمونە كاتێك دەڵێین: “ئەم كارە ئاسانە” چۆن گرنگە بزانین ئەم وتە ڕاستە كە ئاسانە یان نا، هێندەش گرنگە كە بزانین گەر ئەمە پێشداوەریمان بێت بۆ كارێك ئەوا ئەو كارە چەندێك ئاسان دەبێت. ڕونتر بڵێم پێشداوەریەكان پێشوەخت ڕێڕەوی هاتنەدی ئەو وتەیەن یان ئەو بیرۆكەیەن كە بەرهەمی مێشكمانە.

كۆمەڵێك پێشداوەری هەن لەم زانستەدا كە كاریگەرن و ڕۆڵی سەرەكی دەبینن لە ژیانماندا بۆ نمونە یەكێك لە پێشداوەریەكان ئەمەیە: (گەر هەركەسێك لەو پەڕی دونیا بتوانێت كارێك بە ئەنجام بگەیەنێت ئەوا تۆش لەم پەڕی دونیا بە هەمان ستراتیژیەت دەتوانیت ئەو كارە بە ئەنجام بگەیەنێت) ئەم پێشداوەریە ڕۆڵێكی بەرچاوی هەبووە لە ژیانی فێرخوازانی NLPدا، هەر بۆیە كاری مۆدێلین بە شێویەكی كرداری و بەرچاو بەپێی ئەم زانستە بە ئەنجام گەیەنراوە. دیارە هەركەسێك كە كارێك بە ئەنجام دەگەیەنێت بە ستراتیژیەتێكی تایبەت ئەم كارە دەكات، ستراتیژیەتیش مەبەست پێی، هەموو ئەو هۆكار و كەرەستە وشێوازانەیە كە بۆ بە ئەنجام گەیاندنی كارەكە پێویستن كە دەتوانین بڵێین:

كەرەستەكان
ڕێژەی كەرەستەكان
ڕیزبەندی لە بەكارهێنانیان.

نمونە بۆ ئەم ڕاستیە دروستكردنی كێك، شیرینی یان هەر شتێكی ترە، ئەگەر كەسێك لەو پەڕی دونیا كێكێك دروست بكات تۆش دەتوانیت بە هەمان ستراتیژیەت (كە وەستای دروستكردنی كێكەكە گرتوویەتیەبەر) كێكێكی هاوشێوە دروست بكەیت، بە مەرجێك كەرەستەكان وەك فڕن و قاپ و ئارد و شەكر و پیكوپاودەر و..هتد لە بەردەستتدا بێت، پاشان ئەمانە بە ڕێژەی دیاری كراویانەوە یەك لە دوایەك تێكەڵ بكرێن و لە ماوەی پێویستدا لە فڕنەكەدا بهێڵرێتەوە.

هەر كارێكی تریش بەم شێوەیە یە كەسێك كە كارێكی گرنگ یان سەركەوتوو ئەنجام دەدات، بە ستراتیژیەتێكی دیاریكراو ئەو كارە دەكات تۆش پێویستە ئەو ستراتیژیەتە بدۆزیتەوە و بیگریتە بەر. وەك ئەو بیربكەیتەوە و باوەڕەكانت وەك ئەوانەی ئەو بن و شێوازی كاركردن و گرتنەبەری هۆكارەكان و تەواوی ئەو شتانەی كە ئەو لە ستراتیژیەتەكەیدا گرتوویەتیەبەر تۆش بیگرەرە بەر، هەمان ئەنجامت دەست دەكەوێت كە ئەو دەستی كەوتووە.

بەم شێوەیە پێشداوەریەكان لەم زانستەدا ڕۆڵێكی گرنگ دەبینن و ئاراستە دیاری دەكەن.

3-پەیوەندی كاریگەر- چۆنایەتی پەیوەندیەكان

یەكێك لە بنەما سەرەكیەكانی ئێن ئێڵ پی پەیوەندی كاریگەرە (Rapport) كە بریتیە لە چۆنایەتی پەیوەندییمان لەگەڵ خۆمان و كەسانی تردا، كەسی شارەزا لە NLP دا لە پەیوەندیەكانیدا دەتوانێت سەركەوتوو و كاریگەر بێت، چونكە هەروەك ئەوە وایە شارەزای زمانی ئەو كەسە بێت و لە دونیابینی ئەو كەسەوەی كە پەیوەندی لە گەڵ ساز دەكات بڕوانێتە بابەتەكان. ئەمەش لەوەوە سەرچاوە دەگرێت كە جۆری كەسەكان بە پێی سیستمی هەستی (بینینی ، بیستنی و هەستی (هەستی بەركەوتن) ) لێك جودان لەلایەكی ترەوە شارەزایی لە مۆدێلەكانی زمان و چۆنیەتی بەكارهێنانیان ڕێگای پەیوەندی سەركەوتوو كاریگەر ڕوون دەكەنەوە كە ئەم مۆدێلانە چۆنیەتی گەیاندنی پەیامن بۆ دونیای بەئاگا و نائاگای كەسەكان وەك : (مێتا مەودڵ) كە مەبەستی بەرامبەر شی دەكاتەوە یان (میلتۆن مەودڵ) كە بە شێوەیەكی ناڕاستەوخۆ پەیام دەداتە نائاگا و ڕاستەوخۆ كاریگەریی دەبێت لە سەری.
لە NLP دا بەوردی و بە شێوەی زانستی و لە سەر بنەمای بەڵگەی هەستپێكراو، ئەم بوارانە دەناسرێن و ئەو كات دەزانیت كە خۆت چۆن سیستمێكت هەیە و كەسی بەرامبەر چۆنە و تۆ چۆن دەتوانیت پەیامی خۆت بە شێوەیەك بنێریت، كە وەك خۆی بەرامبەرەكەی خوێندنەوەی بۆ بكات.

4-وەبەرهێنان- زانینی ئەوەی كە تۆ چیت دەوێت

تۆ چیت دەوێت؟ خوازیاری چیت ؟ چۆن ئەم خواستەت دەستنیشان دەكەیت؟ و بەچیدا دەزانی ئەمە خواستی سەرەكی و دیاری تۆیە؟ ڕوون بوونی ئەم خاڵە لە بیركردنەوە و ئەندێشەماندا گرنگیەكی زۆری هەیە و پێویستە جیاوازی بكەین لە نێوان ئەوەی ئێمە خوازیارینی و ئەوەی خەڵكانی تر دەیانەوێت. ئەمەش سێ بنچینەی سەرەكی هەیە:
بزانی تۆ ئێستا لە چ حاڵێكدایت – ئێستا لە كوێدایت؟
بزانی تۆ خوازیاری چیت – دەتەوێت لە كوێ بیت؟
دانانی پلان بۆ ستراتیژیەتەكەت-ڕۆیشتن لە حاڵەتی ئێستا وە بۆ حاڵەتی خوازراو بە بەكارهێنانی هەموو ئەو سەرچاوانەی كە لە بەردەستتدان یان هێنانە ئارای سەرچاوەی تر.

5.فیدباك – چۆن دەزانیت گەیشتوویت بەوەی كە ویستووتە

بنەمایەكی گرنگی ئەم زانستە ئەوەیە كە ڕێگایەكی كرداری بدات بە دەستەوە تاوەكو بزانیت ئایا گەیشتوویت بەوەی كە ویستووتە یان نا، زۆر جار لە ژیانماندا شتانێكی زۆر بەدەست دەهێنین و دڵمان پێیان خۆش نیە و لە نێو ئەو دەسكەوتانەدا ئەژماریان ناكەین، ئەمەش گرفتێكی گەورەی خەڵكیە هەربۆیە دەبینین كەسانێك هەن گەشتوونەتە پلەو سەركەوتنی گەورەو جۆراوجۆر و لە هەمان كاتیشدا دڵیان خۆش نیە بەوەی بەدەستیان هێناوە، لە گەڵ ئەوەشدا خەڵكی خۆزگەیان پێ دەخوازێت بەڵام خۆیان ڕەزامەندنین چونكە نازانن گەشتوون بەوەی كە زەمانێك ویستویانە و ئاواتیان بۆ خواستوە و هەوڵیان بۆ داوە.
هەریەكێك لە ئێمە پێ دەچێت خاوەنی شتانێك بێت یان گەشتبێتە ئاستێك كە لە ڕابردوودا خۆزگەمان بۆ خواستوە بەڵام ئێستاكە هەستی پێناكەین و قەدری نازانین. لە ئێن ئێڵ پی دا دەوتریت دەروازەی هەستەكانت واڵابكە تا هەست بەو شتانە بكەیت كە بەدەستیان دەهێنیت و پێیان دەگەیت.

6-توانای كشان – ئەگەر ئەوەی كە ئەنجامی دەدەیت بێ كەڵكە ئەوا كارێكی تر بكە.

كەسانێك هەن كە هەمیشە سوورن لە سەر ئەو ڕێگاو ڕەوشەی كە گرتوویانەتەبەر و چاوەڕێی ئەنجامی جیاواز دەكەن. جێگای ئاماژە پێكردنە كە لە نێو شارەزایانی ئەم زانستەدا بابەتێكی گرنگ هەیە لە شێوەیەكی گاڵتە ئامێزدا كە بە یاسای شێتی ناسراوە ئەم یاسایەش بەم شێوەیەی لای خوارەوەیە:

[ لەو كارەی كە كردووتە ئەنجامێكت بەدەستهێناوە ئێستا بە نیازبیت هەمان كار دووبارە بكەیتەوە بۆ بەدەستهێنانی ئەنجامێكی جیاواز. ]

بە راستی ئەمە یاسای شێتیە كە بەداخەوە كۆمەڵێك لەوانەشی كە خۆیان بە ژیر دەزانن كاری پێدەكەن بۆ نمونە: فێرخوازێك بە شێوەیەك دەیەوێت تێكستێك بەیادبسپێرێت هەر ئەو ڕێگا و شێوازە دەگرێتەبەر كە پێشتر سەعیكردوە و لە كاتی تاقیكردنەوەشدا نەیتوانیوە نمرەی باش بەدەست بهێنێت چونكە زانیاریەكانی لە بیر نەماوە. ئێستا ئایا ئەوە ژیرانەیە كە ئەم فێرخوازە چاوەڕوان بێت كە هەر وەك پێشوو سەعی بكات و نمرەی بەرز بەدەست بهێنێت و ئەوەی بەیادی سپاردوە لە بیریدا بمێنێتەوە.
ئایا ژیرانەیە كەسێك لە ئاستێكی خراپی هەژاریدا بژی و لە سەر پیشەكەی پێشووی بەردەوام بێت، دیارە ئەو كەسە گرفتەكەی زیاتر دەرونیە كە ناوێرێت پیشەكەی بگۆڕێت تۆ بڵێیت ئاستی ژیانی لەوە خراپتر ببێت كە ئێستاكە تیایدایە؟!!
یەكێك لە گرنگترین وانەكانی ئێن ئێل پی ئەوەیە كە ئەگەر هەر كارێك ئەو ئەنجامەی نەدا بەدەستەوە كە ویستووتە ئەوا كارێكی تر ئەنجام بدە.
توانای كشان واتە ئەوەی كە بتوانیت خۆت بگونجێنیت و شێوازی بەئەنجام گەیاندنی كارەكەت بگۆڕیت بۆ ئەوەی ئەنجامی خوازراو بدات بەدەستەوە، جا هێندە بەردەوام بە تاوەكو دەگەیتە ئەوەی كە دەیخوازیت و مەبەستتە.

ئاوات ئەکادیمی هەستاوە بە کردنەوەی کۆرسی NLP

ئەم کۆرسە بۆ کێیە؟

general

ڕۆڵی پلەبەندی بەهاكان لە بنیادی كەسێتیدا

Post author By renas H
Post date December 2, 2022

ڕۆڵی پلەبەندی بەهاكان لە بنیادی كەسێتیدا

ئاوات نەسرولآ

ماستەر لە كارگێڕی نێودەوڵەتی – زانكۆی وارشۆ

بەڕێوەبەری ئاوات ئەكادیمی

پلەبەندی بەهاكان بابەتێكی زۆر هەستیار و گرنگە چونكە وەك قیبلەنمایەك وەهایە لە نێو كەسێتیدا و هەمیشە ئەو ئاراستەیە پیشان دەدات كە مرۆڤ پێویستە بیزانێت تاوەكو بەرەو بەختەوەری و ئاسوودەیی هەنگاو بنێت.

بەها :

واتە، بنەما و پێوەری هەرشتێك كە بەلای كەسێكەوە شایان و بەنرخ بێت وەك: ئازادی، عەشق،خۆشەویستی،پەیوەندی سۆزداری، تەندروستی،دادگەری، سەركەوتن،راستگۆیی، چێژ، وەفا، ئاسایش، ژیانی خێزانی و كۆمەلایەتی، حەوانەوە و پیشە. ئەمانە لای هەمووكەس بەنرخن بەلام پلەبەندیان لە كەسێكەوە بۆ كەسێكی تر دەگۆڕێت

گرنگی زانینی ئەم بابەتە لەوەدایە كە لە پرۆسەی ئایندەسازی دا، پێویستمان پێی هەیە، ئەگەر نا ئایندە خۆی هەر دێت بەڵام ئەو كات مەرج نیە بە دڵی ئێمە بێت. مرۆڤی ژیر ئایندەی لا گرنگە، هەر بۆیە زۆرینەی ئەو مرۆڤانەی كە هەستی بەرپرسیاریەتیان تێدایە، سەقاڵی كۆمەڵێك كار دەبن و بە گرنگی دەزانن و لەپێشینەی كارەكانیاندا دایدەنێن، تانها لەبەرئەوەی وا گومان دەبەن كە ئەنجامەكەی بۆ ئایندەیان بەسوودبێت و مەرج نیە لەكاتی ئەنجامدانیدا چێژی لێوەربگرن، بەڵام دەبینی هەرچەندە ئازار بەخشیش بێت بۆیان بەڵام هەر دەبێتە مایەی ئاسوودەییان

سودی زانینی پلەبەندی بەهاكان

ناسینی بەهاكان و زانینی پلەبەندیەكەیان كۆمەڵێك سوودی گرنگ لە خۆ دەگرێت، بۆ نمونە وەهات لێدەكات بزانی چی بكەیت تاوەكو هەست بە شادی و كامەرانی بكەیت لە پاش هەر كار و رەفتارێك و یارمەتی دەری سەرەكین بۆ بڕیاردان. مرۆڤ هەندی جار دەكەوێتە سەر دووڕیانێك و پێویستە بتوانێت بڕیاری دروست بدات، بۆ ئەو مەبەستە پەنادەباتە بەر راوێژكار هەندێ جار راوێژكار بە گوێرەی كەسایەتی و مەعریفە و قیبلەنماكەی خۆی وەڵام دەداتەوە هەر بۆیە زۆركات ئەگەری هەیە راوێژەكەش جێگەی خۆی نەگرێت، ڕاوێژكاری باش ئەوكەسەیە كە پلەبەندی بەهای كەسەكە بدۆزێتەوە و لەو ڕوانگەیەوە بەرچاو ڕوونی و رێنمایی بخاتە ڕو

واتای پلەبەندی بەهاكان

بریتیە لە پلەبەندیەك كە لە نزمترینیانەوە كەم بهاترین و لە سەروویانەوە بەنرخترینیان دانراوە.تێبینی: ئەم ڕیزبەندیە دەكرێت بەشێوەی نائاگا لە ناخماندا چەسپابێت وەك لای زۆرینە وایە یان دەكرێت بە تێگەشتن و بە شێوەیەك كە بە ژیری خۆمان ڕیزمان كردبێتەوە. یەكەمین كارێك كە مرۆڤی خاوەن فەزیلە دەیكات و بونیادی كەسێتیەكەی لەوەوە دەست پێدەكات جیاكردنەوەی بەها باڵاكانیەتی لە بەها كۆمەڵایەتیەكان. بەها باڵاكان بریتین لەو بەهایانەی كە لە زانستی رەوشتزانیدا ( علم الاخلاق) بە فەزیلە دانراون و مرۆڤی خودا پەسەند و خاوەن كەسێتی باڵا لەسەریان پەروەردە كراوە بۆ نمونە: دادگەری ، راست گۆیی، وەفا، بەخشندەیی، دەستپاكی ئەم بەها باڵایانە هەر لە كۆنەوە باسیان لێ كراوە بۆ نمونە ئەرەستۆ دوانزەدانەی جیاكردبوونەوە كە ناسراون بە ئاكارە بەرزە كان (Moral Virtues ) ( الفضائل الأخلاقية ) بۆ نمونە : بوێری (Courage) ، مامناوەندیەتی (Temperance) ، لێبوردەیی (Liberality) ، گەورەیی (Magnificence) خاكی بوون Modesty ، راستگۆیی Truthfulness …هتد 1 Robbins, A(1992)Awaken the Giant Within هەریەكێك لەم ئەتیكانە (قیم) كەوتوونەتە نێوان دوو سیفاتەوە كە لێهاتووی كەسی خاوەن ئەتیك پاراستنی ئەو هاوسەنگیەیە بۆ نمونە بوێری لە نێوان ترسنۆكی و هەڵەشەییدایە. ئەو بەها فەلسەفی و دینیانەی كە لە زانستی رەوشت زانیدا ئاماژەیان پێكراوە بنەمای سەرەكین لە پەروەدەكردنی تاك و كۆمەڵگادا و بریتین لە بەهاباڵاكان ، گەورەیی و مەزنی مرۆڤ پەیوەستە پێیانەوە بەڵام ئەو پلەبەندی بەهایانە Values Hierarchy تایبەتن بە بەها كۆمەڵایەتیەكان كە لە بەرنامەرێژی زمانی- دەماریدا (NLP) 2 لەگەل سیستمی باوەڕەكانمان بە یەكێك لە پلەكانی دەمار 3 دادەنرێت كە لە پاش لایەنی ڕۆحی و ناسنامەوە دێن و كاریگەری گەورە دەخەنە سەر توانا و رەفتار و ژینگەی كەسەكە. ئەم بازنانە لە لایەن رۆبێرت دێلتز Robert Dilts (1990) ەوە بە وردی باس كراون و لە (NLP)دا كاریان لە سەر دەكرێت. 4 پلەبەندی ئەم بەهایانە لە كەسێكەوە بۆ كەسێكی تر جیاوازە ئەمەش نیشانەی چاكی و خراپی كەسەكان نیە بەڵكو پەیوەندی بە جاوازی كەسێتی تاكەكانەوە هەیە. بۆ نمونە هەموومان دەزانین تەندروستی و ئاسایش و ئازادی، عەشق، سەركەوتن، خوێندن، پیشە بەنرخن بەلام لای هەیەكێكمان پێدەچێت پلە بەندیەكەی جیاواز بێت. بۆ نمونە تەماشای ئەم خشتەیە بكە بۆ جیاوازی پلەبەندی ئەم بەهایانە لای چەند كەسایەتیەكی جیاواز پاشان بەوردی دەتوانین شیكاری ئاراستەی قیبلەنماكەیان بكەین. تێبینی زۆر كەس پلەبەندی بەهاكانی خۆیان نازانن هەربۆیە لە بڕیارداندا كێشەیان هەیە. بەهاكان یان راكێشەرن وەك ئەمانەی باسمان كردن یان پاڵپێوەنەرن وەك شەرم ، تەنهایی، خۆبەكەمزانین واتە ئەمانە بە پێچەوانەوە گرنگن كە توشیان نەبین هەركەسە و پلەبەندی بەهاكانی بەشێوەیەكە، جیاواز لە كەسێكی تر، ئەگەر بە شێوەی دژبەیەك ڕیزنەبووبن ئەوا ناتوانین بڵێین هەڵەیە یان دروستە. بۆ نمونە كەسانێك پلەبەندی بەها ڕاكێشەرەكانیان بەم شێوەیەی خوارەوەیە

پەیوەندی لە بەڕێوەبردندا COMMUNICATION IN MANAGEMENT

كەسێتی یەكەم :

ئەم كەسێتیە لە پلەبەندی بەهاكانیدا دژبەیەك هەیە هەربۆیە بڕیاردان بۆی دژوارەو و هەركارێك بكات دواتر هەست بە ئاسوودەیی ناكات چونكە دەیەوێت بخوێنێت تا پیشەیەكی باشتری هەبێت خوازیاری ئازادی زیاترە تاوەكو سەركێشی بكات بەڵام لێرەدا توشی كێشە دەبێت چونكە لە سەركێشی گرنگتر ئاسایش و تەندروستی بۆ ئەم كەسە لێرەدا كەسەكە دەكەوێتە دوڕیانێكەوە هەركات بیەوێت زیاتر چێژ لە ئازادی ببینێت و سەركێشی بكات توشی ڕاڕایی دەبێت بۆ نمونە گەر هاوڕێكانی گەشتێك رێكبخەن یان چالاكیەك ئەوا بە سەختی دەتوانێت بڕیار بدات ئەگەر بچێت لەوێش هیندە ترسی لە دەستدانی تەندروستی و ئاسایشی هەیە كە زۆر چێژبەخش نابێت بۆی ئەگەریش نەچێت هەر دڵی لای هاوڕێكانی دەبێت. لە گرنگترین پلەی بەهاكانیدا توشی كێشە دەبێت چونكە زۆر جار بۆ سەركەوتن پێویستە خێزانیش قوربانی بدات هەر بۆیە ئەم كەسە زۆر جار لە بەرئەوەی نەوەك ڕوبەڕووی دژایەتی خێزانەكەی بێتەوە هەنگاوی گەورە نانێت یان هەندێ جار ناتوانێت بەرگەی دووریان بگرێت هەربۆیە ئەگەر هەلی گەشت و خوێندن و پیشەی باشتری هەبێت ئەگەر بڕوات زۆر بۆی چێژبەخش نابێت چونكە ئازاری دووری خێزانەكەی كێشمەكێشێكی گەورەیە و ئەگەر نەشتوانێت بچێت هەر خێزانەكەی بێزار دەكات كە بەهۆی ئەوانەوە نەیتوانیوە بچێت یان نائاسودەیە كە ئەو هەلانەی لەدەست دەرچووە. باشترین چارەسەر ئەوەیە ئەم كەسە بزانێت كە لە ناخیدا بەهاكانی بەو شێوەیە پلەبەندی كراون. هەركات زانی دەستكاری كردن و گۆڕینی پلە بەندیەكەی ئاسان دەبێت، چونكە ئەم جارە پلە بەندیەكە لە دنیای نائاگاوە هێنراوەتە دونیای ئاگایی و كەسەكە دەتوانێت بە ژیری و بیركردنەوەی خۆی بیانگۆرێت و قبولی ئەو گۆڕانەكاریانەش بكات. گریمان پاش راوێژ كەسەكە بڕیاری سەركەوتن دەدات و بە دوا ئامانجی دادەنێت، ئەوكات بەم شێوازەی خوارەوە پلەبەندیەكە دەگۆڕێت بەو مانایەی ئەگەر خێزانەكەی هاوكاری بكەن دەتوانێت ئازادی زیاتر وەرگرێت و قوربانی بدات بۆ سەركەوتن واتە تەندروستی و ئاسایش زۆر گرنگی پێ نەدات. بە تایبەت ئەمە بۆ گەنجێك گونجاوترە بەڵام ئەگەر كەسەكە بەرپرسیاریەتی خێزانی زیاتر بوو تەمەنی زۆرتر بوو بواری مەترسی (Risk) كەمتر بوو دەتوانێت بە پێچەوانەوە دەستبەرداری هەندێك لە خەونەكانی ببێت و سەركەوتن بهێنێتە خوارەوە و گرنگی بدات بە ژیانێكی خێزانیی ئاسوودە

كەسێتی دووەم :

ئامانجی گەورەی ژیانی بكاتە سەركەوتن لە رێگای خوێندنەوە و ژیانی ئەكادیمیەوە زیاتر هەست بە ئاسوودەیی دەكات و دیارە بۆ ئەو مەبەستە خۆی و خێزان ی دەبێت قوربانی گەورە بدەن و نابێت زۆر نیگەرانی ئاسایش و تەندروستی خۆی ببێت لەم قۆناغەدا

كەسێتی سێهەم :

دەبێ دەستبەرداری كۆمەڵێك لە خەونەكانی ببێت و هەوڵبدات زیاتر چێژ لە تەندروستی و ئاسایش وژیانی پیشەیی و خێزانیی وەرگرێت و هەوڵ بدات زۆر دوور نەكەوێتەوە و ژیانێكی ئاسایی و سادە و هێمنانە بەرێوە ببات وەك دەبینین كەسێتیەكان جۆراو جۆرن و كەسی واهەیە ئەگەر هەلی گەورەی بازرگانی و خوێندنی باشیی لەوڵاتێكی زۆر پێشكەوتووش بۆ هەڵبكەوێت، ناچێت، كەسانێك سەریان سوڕدەمێنێ بۆچی؟ ئەو كە لەسەر بنەمای بەهاكانی بڕیار دەدات هەمیشە ئاسوودەیە لە چاو ئەو كەسەی بە پێچەوانەی بەهاكانیەوە بڕیار دەدات. كەسانێك هەن بەها فەلسەفیەكانی وەك راستگۆیی و چاكەخوازی دەخەنە نێو پلەبەندیەكەوە و لەگەل بەها كۆمەلایەتیەكان تێكەڵیان دەكەن، ئەمە كێشەیە، مرۆڤی خاوەن ئاكاری بەرز و پەسەند هییچكات رێگای بەختەوەری خۆی لە لەدەستدانی شوناسی خۆیدا نادۆزێتەوە . بۆ نمونە ناكرێت سەركەوتن لەسەروو راستگۆییەوە بێت چونكە ئەو كەسە رۆژێك لە پێناو سەركەوتنی دا رێگای درۆ دەگرێتە بەر ئەو كات دونیا بەدەست دەهێنێت بەڵام خۆی دەدۆڕێنێت. پێویستە بەها باڵاكانی وەك چاكەخوازی و راستگۆیی و دادگەری لە بەرزاییەكدا دابنێین كە بەهیچ شێوەیەك خواستی ئاسوودەیی و سەركەوتن و بە دەستهێنانەكانمان ناچارمان نەكەن لە و گەورەیی و رێزەی كە شایستەی مرۆڤ بوونمانە بمانهێنێتە خوارەوە

سەرەتای خۆناسی لێرەوە دەست پێدەكات كە پلەبەندی بەهاكانمان بزانین تاوەكو لەوڕێیەوە خواستی راستەقینەی ناخمان بدۆزینەوە. هەركەس بیەوێت ئەم بەهایانە بدۆزێتەوە پێویستە بۆ ماوەی چەند رۆژێك بیربكاتەوەو پرسیاری زۆر لە خۆی بكات بۆ نمونە:من بۆ دەچم بۆ سەر كار؟ بۆ ئەوەی پارەیەكم دەست بكەوێت. پاش مەسروف ئەگەر لێی مایەوە چی لێدەكەم؟ كۆیدەكەمەوە و هاوسەرەكەم دەبەم بۆ گەشتێك.لێرەدا دەردەكەوێت كە خێزان لە سەروو پیشەوەیە و گەشتیش ئاماژەیە بۆ حەوانەوە و چێژ وەرگرتن و سەركێشی وئازادی كەواتە هێندە لەسەر ئەو پرسیارانە بەردەوام دەبیت تا كەم كەم ریزبەندیەك دێتە پێشچاوت . پاشان بەلێوردبوونەوە و پرسیاری زیاتر و پشكنینی خەون و شیكاری ئەزمونەكانی رابردووت كەم بدۆزیتەوە كەم دەتوانیت ئەم پلەبەندیە

ئەم بابەتە و کۆمەڵێک بابەتی دیکە لە پرۆگرامی NLP یدا وتراوەتەوە بۆ شارەزایی زیاترلە ئێستەدا دەتوانی بەژداربی لە کۆرسی NLP

بۆ زانیاری سەردانی ئەم لینکەی خوارەوە بکە

ئەم کۆرسە بۆ کێیە؟

memory

پرۆگرامكردنی زمانی دەماری دەرونزانی نوێی كەسێتی سەركەوتووە

Post author By renas H
Post date December 2, 2022

پرۆگرامكردنی زمانی دەماری دەرونزانی نوێی كەسێتی سەركەوتووە

NLP زانستی بە دەستهێنانی ئەنجامەكان و كلیلی پەیبردنە بە ستراتیژیەتی مێشك و گەیشتنە بە وردەكاریەكانی نێو ئەزمونە كەسیەكان و دەتوانین بڵێین NLP زانست و هونەری گەیشتنە بە سەركەوتن و ئامێرێكە بۆ تێگەشتن لە كاری مێشك و وەرگرتنی ستراتیژیەتی ئەو كارە بۆ مێشكەكانی دی.

NLP زانستێكە دیراسەی ئەوە دەكات كە چۆن خەڵك دەتوانن كارێك بە ئەنجام بگەیەنن و چۆن دەكرێت خەڵكانی تریش فێر بكرێن ئاوەها كارێك بە ئەنجام بگەیەنن، لە بەشی پێشوودا ئاماژەمان بەوەكرد كە ئەم كارە بە مۆدێلین (Modelling) ناسراوە سەرەڕای ئەمانەش چەندین مۆدێلی تر كە بەرهەمی ئەم زانستەن و شارەزای ئەم بوارە بە شێوەیەكی سەرسوڕهێنەر داهێنانیان تێدا دەكات، لێرەدایە كە دەبێت ئاماژە بە و خاڵە گرنگە بكەین كە NLp لە ئەنجامی دیراسەكردنی كەسایەتیە سەركەوتوەكانەوە بەدەستهاتووە كە لە مەیدانە جیاوازەكاندا سەركەوتنیان بە دەستهێناوە، بە تایبەت دروستكردنی گۆڕانكاری كاریگەر و خێرا لە كەسانی تردا بە مەبەستی چارەكردنی گرفتی كۆمەڵایەتی و دەرونی بوبێت یان بوارەكانی تری پەرەپێدان.

سەرەتاكانی سەرهەڵدانی NLP

سەرەتای NLP دەگەڕێتەوە بۆ كارەكانی هەردوو زانا (ڕیچارد بندلەر) و (جۆن گریندەر) كە لە ساڵانی 1975 بۆ 1977 لە سانتاكرۆز- كالیفۆرنیا پێكەوە كاریان دەكرد و گەشتنە ئەو ئەنجامەی كە ناوێك بۆ ئەم زانستە دابنێن كە بە توێژینەوە لە سەر كەسایەتیە دیارەكانی نێو چارەسەركردنی نەخۆشیە دەرونی و گرفتە كۆمەڵایەتیەكانەوە لە ئەمریكا بە دەستیان هێنابوو .

ڕیچارد بندلەر لە (24/1/1950( لە دایك بووە نوسەرێكی ئەمریكیە لە تەكنیكە نوێكانی دەرونزانی مۆدێرندا، بە هۆی ئەوەی كە داهێنەری NLP یە (لەگەڵ جۆن گریندەر)دا زۆر بەناوبانگە و سەرەڕای ئەمەش پەرەپێدەری ئەم دوو سیستمەیە Design Human Engineering (DHE) دیزاینی ئەندازەی مرۆیی و Neuro Hypnotic Repatterning (NHR).. ئەو كاتێك كە خوێندكاری بەشی دكتۆرا بوو لە زانكۆی كالیفۆرنیا و كەسێكی شارەزابوو لە چارەكردنی گرفتە دەرونیەكان بە ڕێگای گشتاڵت، لە هەمانكاتدا لە بوارەكانی بیركاری و كۆمپیوتەر دا بەتوانابوو، بە چارەكاری مەتەڵەكانی بیركاری و كۆمپیوتەری سەردەم دەناسرا، ئەو هەمیشە چێژی لەوە وەردەگرت كە شتێك وەها لێبكات فێربوونی ئاسانتر بێت بۆ هاوڕێكانی.

ریچارد بندلەر لە ساڵی 1973 بڕوانامەی BA بەدەستهێنا لە فەلسەفە و دەرونزانی لە زانكۆی كالیفۆرنیادا و بڕوانامەی MA لە دەرونزانی لە 1975 لە (لۆن ماونتەین كۆلیج) لە زانكۆی سانفرانسیسكۆدا بەدەستهێنا.

ڕیچارد توانی لە كارەكانیدا سەركەوتنی تەواو بەدەست بهێنێت و لە گەڵ گریندەر دا سەرقاڵی كار و توێژینەوەی خۆیان بوون بە ڕادەیەك كە لە بوارە جیاوازەكاندا وەك ( چارەسەركاری و بازرگانی و وەرزش ) كەسانێك بگەیەننە ئەوپەڕی سەركەوتن و بە ڕادەیەك سەركەوتووبوون كە بۆندیان لەگەڵ حكومەت ، سوپا ،CIA ، تیمە وەرزشیەكان و كۆمپانیا بازرگانیەكان دەبەست و بەشێوەیەكی سەرسوڕهێنەر سەركەوتنیشیان بەدەست دەهێنا.

دووەمین زانای داهێنەری NLP جۆن گریندەر بوو كە پرۆفیسۆر بوو لە بەشی زمانەوانی هەمان زانكۆدا و كەسێكی شارەزا و لێهاتوو بوو.

ئەم دوو زانایە پێكەوە كاریان دەكرد و خەریكی لێكۆڵینەوە بوون لەو كەسایەتیانەی كە دەیانتوانی گۆڕانكاری خێرا لە تاكەكاندا ئەنجام بدەن. ئەمانەش چەند چارەسەركارێك بوون كەلە خوارەوە ئاماژەیان پێكراوە، كە دەیانتوانی ئەو كێشە ئاڵۆزە دەرونی و خێزانیانە چارەبكەن كە پزیشك و چارەسەركارەكانی تر دەستەوسان بوون لە ئاستیاندا.

هەردوو زانا توێژینەوەیان لە سەر كارەكانی ئەم چوار چارەسەركارە كرد و تەنانەت جاری وەها هەبوو كامێرایان لە وەرشەی كاری زانایەكیاندا دادەنا و دواتر لێی ورد دەبوونەوە، ئەمانەش بریتی بوون لە:

فریتز پرلز Fritz Perls دەرونشیكار و داهێنەری قوتابخانەی چارەسەركاری بە شێوەی گشتاڵت Gestalt Therapy

ڤێرجینیا ساتێر Verginia Satir (1916-1988) دەرونچارەسەركاری بواری خێزانی كە دەیتوانی گرفتە ئاڵۆزە خێزانیەكان چارەبكات كە دەرونزان و چارەسەركاران بە كارێكی ئەستەمیان دادەنا.

میلتۆن ئەریكسۆن Milton Erickson پسپۆڕی بە ناوبانگی هیپنۆتیزم كە چارەسەری نەخۆشی دەرونی بە ڕێگای (خەواندنی دروستكراو) ئەنجام دەدا. میلتۆن بە ڕێگایەكی نوێ و زۆر كاریگەر دەیتوانی سوود لە هیپنۆتیزم وەربگرێت بۆ ئەوەی ڕاستەوخۆ گاریگەری لە نەستی نەخۆشەكانیدا بكات، كە جیاواز بوو لە كاری هیپنۆتراپەكانی تر و دواتر كارەكانی میلتۆن لە بواری هیپنۆتیزم دا بە قوتابخانەیەكی نوێ دانراو ئێستە بە ناوی (هیپنۆتیزمی ئێریكسۆنی) ناسراوە و هاوكات لە ئێن ئێڵ پی دا و لە چۆنیەتی بەكارهێنانی زمان بۆ كاركردنە سەر نەستی مرۆڤ مۆدێلێك هەیە بە ناوی (میلتۆن مەودڵ) Milton Model كە دەتوانێت لە بواری پەیوەندیدا ڕۆڵی بەرچاو ببینێت و شارەزای ئەم بوارە بكاتە مرۆڤێكی كاریگەر.

گریگۆری باتسۆن مرۆڤناس و پسپۆڕی بواری پەیوەندیەكان.

بۆ ئەم مەبەستە ئاوات ئەکادیمی هەستاوە بە کردنەوەی کۆرسی NLP

ئەم کۆرسە بۆ کێیە؟

بەڵێ، بندلەر و گریندەر كاریان بە بیردۆزەكان نەبوو ئەوان بەردەوام بەدوای ڕێگای كرداری و كاریگەردا دەگەڕان كە بتوانرایە بە ئاسانی جێبەجێبكرێت و فێری خەڵكانی تریش بكرێت.لە میانەی كارەكەیاندا سەریان لەوە سوڕما كە ئەو چارەسەركارانە لە گەڵ ئەوەی سەربە قوتابخانەی جیاجیا بوون و تاڕادەیەك بێ ئاگابوون لە كاری یەكتر، سوودیان لە شێوازی چوون یەك وەردەگرت كە ئەم شێوازە لێكچوانەیان كردە بنچینە و بنەمای كارەكەیان هەر بۆیە دەتوانین بڵێن NLP لە ئەنجامی كاری كرداری و سەركەوتووی ئەم زانا و چارەسەر كارانەوە هاتە بوون.

بندلەر و گریندەر لە زنجیرە سیمینارەكانیاندا ئەنجامی توێژینەوەكانیان بڵاوكردەوە و دواتر بە كتێب و لە چوار بەرگدا بەناوی پێكهاتەی جادوو بەرگی یەكەم : The Structure of Magic, Volume I (1975 هەروەها،

بەرگی یەكەمی كتێبی شێوەكان Patterns of the Hypnotic Techniques of Milton H. Erickson Volume I (1975). لە سەر شێوازی كاری میلتۆن ئەریكسۆن بوو كە دواتر میلتۆن دانی بەوەدانا كە ئەم كتێبە باشترە لەوەی خۆی پاشان لە ساڵی 1976دا بەرگی دووەمی كتێبی پێكهاتەی جادوو The Structure of Magic Volume II (1976)

هەروەها لە ساڵی 1977دا بەرگی دووەمی كتێبی شێوەكان, Patterns of the Hypnotic Techniques of Milton H. Erickson Volume II .دواتر بندلەر و گریندەر لە میانەی كۆمەڵێك سیمیناردا توانیان پەرەبە زانستی NLP بدەن و ئەوان ڕاستەوخۆ بە شێوەیەكی كرداری لە نێو سیمینارەكانیاندا ڕاستەوخۆ گرفتە دەرونیەكانیان چارەدەكرد بە شێوەیەك كە سەرنجی زۆرینەی بەلای ئەم زانستەدا ڕاكێشا و بە چەند كۆرسێك توانیان كەسانێك پەروەردە بكەن كە بتوانن، ئەم زانستە لە ژیانیاندا بەرجەستە بكەن و گۆڕانكاری كاریگەر و بەرچاو دروستبكەن كە ئەمەش وای كرد ڕۆژ بە ڕۆژ خەڵكانێكی زۆر لە سیمینار و خولە جیاوازەكانی زانستی پرۆگرامكردنی زمانی دەماری و ئەندازەی دەرونی دا بەشداربن كە كە لە ماوەی چەند ساڵێكدا تەنها لە ئەمریكا ڕێژەی بەشداربووان لە سەد هەزار كەس تێپەڕی ئەمەش بۆ ئەوە دەگەڕایەوە كە ئەم زانستە دەكرا لە بواری جۆربەجۆردا بەكاربهێنرێت نەك تەنها بواری چارەسەركاریی، بۆنمونە وەرزش، كار، بازرگانی، بواری پەروەردە و فێركاری(تعلیم) و چەندین بواری تر.

هۆكاری كاریگەری ئەم زانستە بۆ لایەنە كرداریەكەی دەگەڕایەوە كە بە فێربوون و ڕهێنان دەتوانرا توانایەك بێنێتە ئاراوە كە مرۆڤ بەرەو سەركەوتنی بەرجەستە و دیار بەرێت بە پێچەوانەی زۆرێك لە قوتابخانە دەرونیەكان كە زۆر جار وەك بیردۆزێك ڕۆڵ دەبینن نەك ڕێگایەكی كرداری.

مرۆڤ بۆ ئەوەی سەركەوێت پێویستی بە بەرچاو ڕوونی و باشتر بڵێم ڕێنیشاندەرێك هەیە، كە بتوانێت ڕاستە ڕێی بۆ ئاسان بكات، ئەم زانستە بە دەرخستنی شتە ناوەكیەكانی دەرونی مرۆڤ لە لایەك و هەست و ئەزمونە دەرەكیەكانی لە لایەكی ترەوە، دەست دەكاتە ئەم كارە و لە ڕێكخستنی پەیوەندیەكانی تاك لە گەڵ خۆی دا و پاشان لە گەڵ دەوروبەریدا دەست بە كار دەبێت و بە شێوەیەكی كرداری و بە پێی تاقیكردنەوەی ئاسان لایەنە شاراوەكان دەردەخات وەك ئەوەی كە ئایا تۆ چ سیستمێكی هەستی (بینین، بیستن، هەستی بەركەوتن ) زاڵە بەسەرتدا و ئەم سیستمە هەستیە چۆن سیفاتێكی پێ بەخشیویت و چۆن دەتوانیت سیستمی زاڵی بەرامبەرەكەشت هەست پێ بكەیت و ئەو كات بە چ شێوەیەك دەتوانیت كاریگەر بیت لە پەیوەندیدا لە گەڵ ئەو كەسەدا یان تۆ بەچ شێوەیەك دەتوانیت بە ئاسانتر و كاریگەرتر فێرببیت كاتێك كە ئەم ڕاستیانەت بۆ دەردەكەوێت، چەندین بواری تر هەن كە ئەم زانستە دەتوانێت بە وردی وەڵامت بداتەوە

تۆ چۆن كەسێكیت؟

چۆن دەتوانیت سوود لە تواناكانت وەرگریت؟

چۆن دەتوانیت ببیتە خاوەنی كەسایەتیەكی كاریگەر؟

لە ژمارەكانی ئایندەدا ئەو بوارانە دەخەینە ڕوو كە تۆ بتوانیت بە شێوەیەكی كرداری سوود لە زانستی NLP وەربگریت ئەوەی لێرەدا بە گرنگی دەزانم خستنە ڕووی ئەم خشتەیەی خوارەوەیە كە دەتوانێت هاوكارێكی باش بێت بۆ ڕوونكردنەوەی زیاتر لە سەر زانستی پرۆگرامكردنی زمانی دەماری.

سەرچاوەكان

هری الدر، بریل هیتر / ترجمە علی شادروح / ان ال پی در 21روز

جوزیف اكونور، جان سیمور/ برنامەریزی عصبی-كلامی/ عنوان اصلی (NLP, The new psychology of personal excellence )

www.nlpmind.com/images/bandler_photo.jpg

Richard Bandler ,From Wikipedia, the free encyclopedia

JOSEPH O`CONNOR & JOHN SEYMOUR / TRAINING WITH NLP /1994

general new

کەسێتی سەرکەوتوو

Post author By renas H
Post date November 29, 2022

کەسێتی سەرکەوتوو

ئایا هەبونی پارە سەرکەوتن دەهێنێنت؟

ئایا بەدی هێنانی ئامانج سەرکەوتن دەهێنێت؟

https://youtu.be/ODlKgydsSY8

پێش هەبوونی پارە بیر لە سەرکەوتن بکەرەوە. ئایا بەدی هێنانی ئامانج سەرکەوتن دەهێنێت؟ (https://youtu.be/ODlKgydsSY8)

هۆکارەکانی سەرکەوتن و قازانج

general

سەرکەوتن لە زانکۆ و لێهاتووییە ئەکادیمیەکان

Post author By renas H
Post date November 26, 2022

سەرکەوتن لە زانکۆ و لێهاتووییە ئەکادیمیەکان

یەک لە ئامانجەکانی خوێندن ئەوەیە کە هەموو هەوڵی کۆششی خۆت دەکەیت بۆ ئوەی بگەیت بەوەی کە دەتەوێت زۆر جار ئێمە ئامانجەکەمان بەستوەتەوە بەوەی دوای دوازدە ساڵ خوێندن لە چ زانکۆیەک یاخود چ بەشێک بخوێنین تا سەرکەوین و زیاتر پێشبکەوین بەڵام ئایا ئەوەی لە چ زانکۆیەک یاخود چ بەشێک دەخوێنیت مەرجە بۆ سەرکەوتن؟

بۆ بینینی ئەم بابەتە بینەری ئەم ڤیدیۆیەبن

https://youtu.be/L61snn4q0Po

سەرکەوتن لە زانکۆ و لێهاتووییە ئەکادیمیەکان ، ئاوات نەسروڵا AWAT# (https://youtu.be/L61snn4q0Po)